ព្រះវិហារ៖ រយ:ពេល ៣ថ្ងៃនៃពិធីបុណ្យភ្ជុំបិណ្ឌ ខេត្តព្រះវិហារទទួលបានភ្ញៀវទេសចរជាង ២ម៉ឺននាក់ កើនឡើង ៥០ភាគរយ បើធៀបនឹងឆ្នាំ២០២៣។

ប្រធានមន្ទីរព័ត៌មានខេត្តព្រះវិហារ លោក គង់ វិបុល បានឱ្យដឹងថា រយ:ពេល៣ថ្ងៃ ចាប់ពីថ្ងៃទី១៣ ដល់១៥ ខែតុលា ឆ្នាំ២០២៣ នៃពិធីបុណ្យភ្ជុំបិណ្ឌប្រពៃណីជាតិខ្មែរ ខេត្តព្រះវិហារ ទទួលបានភ្ញៀវជាតិ និងអន្ដរជាតិ ដែលបានមកទស្សនាកំសាន្ដនៅតាមបណ្ដារមណីយដ្ឋាន និងគោលដៅទេសចរណ៍នានាក្នុងខេត្ត សរុបចំនួន ២០ ៣៤៩នាក់ កើនឡើងចំនួនជាង ៥០ភាគរយ បើធៀបនឹងរយ:ពេលដូចគ្នានៅឆ្នាំ២០២២។

លោក គង់ វិបុល បានឱ្យដឹងថាខេត្តព្រះវិហារទទួលបានភ្ញៀវជាតិចំនួន ២០ ២៥៤នាក់ កើនឡើងចំនួន ៥០,៤៦% ខណៈភ្ញៀវអន្ដរជាតិចំនួន ៩៥នាក់ ថយចុះចំនួន ៧,៧៧%។

គួរឱ្យដឹងដែរថា ខេត្តព្រះវិហារ មានប្រាសាទបុរាណជាច្រើនកន្លែង ខណៈមានប្រាសាទ ៣សំខាន់ គឺប្រាសាទព្រះវិហារ ស្ថិតនៅលើកំពូលភ្នំដងរែក ជាប់ព្រំដែនប្រទេសថៃ ប្រាសាទកោះកែរ និងប្រាសាទព្រះខ័នកំពង់ស្វាយ ដែលប្រាសាទទាំង៣មានសក្តានុពលខ្ពស់ ក្នុងការទាក់ទាញភ្ញៀវទេសចរណ៍៕